منتديات بصيص أمل




 
الرئيسيةالبوابةس .و .جالتسجيلدخولمركز تحميل الصور

شاطر | 
 

 قصه واقعية مصيبة ميرا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
HamZza
↕ رئيـس قسم ↕

منتديات ترفيهية


عدد مشآرڪآتي : 1618
 نْـقٌٍـآطُْـيَـے• نْـقٌٍـآطُْـيَـے• : 2107
آلتــــقيييم : 3
تاريخ التسجيل تاريخ التسجيل : 14/06/2010
عًٍـمـًرٌٍيَے• : 24
مــزاجے : 6
بَــــلـــَـدِے• : الجزائر
ذكر
الاوسمة الحضور المميز
My SMS & MMS: :

مُساهمةموضوع: قصه واقعية مصيبة ميرا   الجمعة يونيو 18, 2010 9:48 pm

مرضت امي فجاه أصابها إسهال



وقيً و




ذاد الإسهال عليها خفت يصيراها نزله معوية




قلت لامي اخدك للمستشفى خافت امي من ذكر




المستشفى قالت لي اخاف تكون هدي نهايتي




قلت امي الخوف لو سكتي تزيد حالتك سوء سحبتها




من ايدها غصب عنها واخدتها للمستشفى قسم




الطواري كشف عليها الطبيب وقال لازم تنويم .




طلعت معا الدور الثاني .وقلت لأخي روح إنا أنام




معا...... شاقتني الممرضة قالت ممنوع المرافقة.




قلت طيب فين تبغيني اروح في هذا الليل.......





بعد قليل



قالت امي ابغى الحمام أكرمكم الله قلت لها اجبلك



قصرية ......قالت لا ابغى الحمام استندت امي على




كتفي وخرجنا من الغرفه اخذتها الممرضة مني




وقالت لازم دحين تروح معايا قسم العناية لان امك




عندها القلب تعبان ...




امي سمعت القلب تعبان قالت خلاص حاموت مثل




أختك دخلت المستشفى وماتت ... قلت للممرضة امي




تبغي الحمام




قالت إنا اوديها والمشكلة القسم إلا إحنا موجودين فيه




عاملين تصليحات البلاط والحمامات مكسره والماء




مقطوع اخدتها الممرضة حتى غابت عن عيني جلست




.وشويا مادريت على نفسي إلا وانا نايمة لاني كنت




تعبانه .....كيف نمت الله العالم . وفي اللحظه إلا إنا




نايمه امي تعاني مصيرها



وشفت رويه في منامي نفق طويل ظلام من اول




النفق اسمع صوت امي تناديني والصوت يختفي في




الظلام وانا انادي امي واصرخ وفجاء في اثناء جلوسي من النوم صحيت وانا اسمع صوتي .والله




لمن كنت أشوف ألافلام إلام تشوف رويه ماهية طيبه




وتصحه من النوم . أقول فلم هندي مره عاد قلبها




حس .أفلام كلها كذب يضحكوا علينا




ولأكن والله هدا حصل معايه....عندماجلست من نومي




وانا اصرخ كانت الممرضة واقفة بقرب سريري قالت




بسم الله بسم الله اشبك ايه إلا شوفته في نومك .قلت




شفت نفق ظلام وأمي في النفق وتناديني وانا اتبعها




وأناديها واختفى صوتها في الظلام .وصرت ابكي




وأقول أكيد حصل لامي شي



قالت الممرضة انا جيت علشان اسالك امك من قبل



تجيها حالات تشنج وصرع......قلت لا امي ماتشتكي




من شي غير الإسهال والقي




قالت الممرضة تعالي الدكتورة تبغاكي رحت معا ....




قالت لي الدكتوره صلي على النبي . حسيت في شيً




قلت خير .




قالت يابنتي صلي على النبي قلت اللهم صلي وسلم




على سيدنا محمد وانا ابكي




قالت لي امك تعبانه واطلبي من الله يرحمها ويختمها




بالشهادة قلت اعوذ بالله لاتقولي ......امي فين امي فين ....



قتلتموها




قالت طيب أهدئ وانا ابكي واصرخ وأقول امي ابغى




امي قالت امك في الغرفة إلا إمامك روحت وشفتها




فوق سريرها تفرفر كأنها عجل مذبوح ماقدرت




اوقف على اقدامي سقط من طولي رشوني بالماء




وخرجت من المستشفي كيف الله واعلم ابكي ماني




عارفه فين اروح وأشوف الناس تطالع فية وتمشي




لصلاته الصبح في بيت الله الحرم



.



رحت علي بيت خالتي قريب من المستشفى دقتي




الباب فتح الباب زوجها واناابكي يقول أيش في خير




وانا أقول أمي امي




خالتي تقول أشبها امك وانا أقول امي امي ماقدرت




احكي شي ولا افتح فمي من الصدمه غير اردد كلمة




امي امي ......اخذني زوج خالتي معاه بالسياره




يوصلني عند أهلي لقيت ابويه كعادتة بعد الصلاة




يقراء القران دخلت عليه وانا ابكي شافني أبوي



وصار يبكي معايه وقال إنا لله وإنا إلية راجعون



روحتي يا أم احمد وتركتين لميت




وانا اصرخ وأقول لأتقول امي ما ما تت امي




ماحتموت .بكيت وبكيت لمن نمت ولمن صحيت .




**والاهل . يسالو ايه إلا صار وخالتي ..تحكيلهم




كيف إنا جيتهم على البيت وكيف كان شكلي وانا ما




اتذكر إلا كأنه حلم لمن الناس يطالعوا فيه ...




ومن قوة المصيبه إنا كنت حافية القدمين ووجهي




مكشوف واصيح وابكي بصوت عالي .ونعمة من الله




انه العبايه على راسي.......




والزياره في العنايةالمركزه كانت .قبل صلاة الظهر




اخرج من البيت على الحرم أطوف وفي طوافي أقول




يأرب اشفي امي يأرب خليها لنا يأرب لاحترمنا .منها




يأرب مالي غيرها في الدنيا يأرب استجيب رجائي .



وانا ابكي وانا في طريقي للمستشفى أقول يا الله




معجزة من عندك أشوف امي جالسه وبخير يأرب




فرحني يأرب مالي غيرها......دخلت غرفتها لقيت




خالي يقرأ القران ومعاه خالتي..وصلت لمرحله




حرجه..اي انها في غيبوبه وعايشه علي اجهزت




الانعاش.




أصبح جسدها ممدود مثل جسد الميت ومشدودة أياديها




و ماتتحرك .ولمن لمست يدها الباردة وانا ابكي وقلت




امي أبويه مسامحك ويبغاكي تسامحيه........ وعند




ماسمعت صوتي بدأ صدرها يرتجف ويهتز من




البكاء مثل الطفل الذي يبكي برجفه في صوته




ورجفان بصدره وتنزل دموع من عيونها رغم عيونها




مفتوحه وماتتحرك....... رغم كانت تسمع القران




وماظهر منها أي ردت فعل كأنها كانت تستمع




للقران .....قالت خالتي سبحان الله إحنا كلمناها ما




أتحركت لأكن عند سماع صوتك بكت واظهرت ردت




فعل يعني بتسمع لأكن مابتشوف وبحسب كلام




الممرضه قالت انها تسمع اصواتكم بس مابتشوف




ولابتتكلم ولاتحرك جسدها ولهذا تزعل وتصدر ردات




فعل..... وطبعآ بعد عدة ايام اكدت الممرضة نفس




الكلام قالت السكر يرتفع وينخفض بسبب الزعل




قالت لمن تروح في الغيبوبة ينخفض السكر ولمن




تفوق يرتفع لانه ماتشوف إلا الظلام




قلت




سحبتك من ايدينكِ غصب عنك




حملت ذنبك طول عمري




اااه يا يومى سامحيني





يوم اخذتك لي مصيرك




كان قصدي اداويكِ




ما دريت القدر يستنيك




تأني يوم قدمنا شكوى على المستشفى وكل المسؤلين




بسبب الاهمال لاني شكيت في الامر




طلبت لجنة تكشف على امي وطلبت نقل امي لأحسن




المستشفيات كانت الشكوى باسمي وباسم خالتي




....لهذا السبب منعت خالتي من زيارة امي تدخلت




الواسطات ودارو غاط الاطباء والممريضين واتلف




الموضوع علي انه قضاء وقدر وانها تعاني قصور




بالقلب وهبوط حاد في الدوره الدمويه وغيره.....وانه




خطر علي حياتها لو نقلناها .......طبعا هذا لمصلحتهم




عشان لا ينكشف خطاؤهم.




وأبوية الله يهدي خاف تموت وعنده أمل تتحسن




علشان كده مارضي بنقلها




وكل يوم أطوف قبل الزيارة 0وكعادتي ادعي وأخر




يوم وانا في طوافي كعادتي ادعي وأقول يأرب خليها




لنا يأرب اشفيها وادعي وابكي وفجاه من دون شعور




من دون ما اقصد اسمع صوت من داخلي يدعي




ويقول يأرب إن كان الموت لها خير اختمها بتوبة




وشهادة و وبعدين أقول استغفر الله يأرب لا تاخذ




بكلامي يأرب لا خليها واشفيها ...يارب مالي غيرك




اترجاك مااقدر أعيش بدونها لأكن المكتوب ما




مينو مهربوسته عشر يوم وكل يوم نفس الموال من



البيت للحرم وبعده للمستشفى علي أمل في تحسن




......وهذا اليوم الأخير لمن ذهبت كعادتي للمستشفي




شالو منها كل الأجهزة ماعدا الأكسجين قالو خلاص




كل شي توقف عندها وهي عايشه علي الأكسجين




...قالو انتظرو اتصال مننا نبلغكم اذا قطعت من الدنيا




...اجتمعت العائله في بيت امي وكنا ننتظر .....




بخوف والم وحزن وصدمه الله وحده يعلم كيف يكون




الواحد في هذه اللحظه..اتصلو عند منتصف الليل




....ولان والدتي وصت في حياته إلا تدخل الثلاجه




.....ذهبو الي المستشفى فورا...




0جابو جثة امي على البيت الساعة الرابعة وانا طول




الفترة من يوم مادخلت المستشفى وشفتها علي السرير




وانا ابكي لا ليلي ليل ولانهار نهار ولا اكل إلآقليل




واشرب الماء على قد الحبوب إلا تنبلع علشان اشرب




حبوب الصداع فقط .....لاكن عند رؤية جثتها اصبت




بصدمه فلم اذرف ولا دمعه ...وقومت بضيافة




الموجودين ولا اتكلم كثير. والكل يشوفها ممددة يبكوا




إلا انا الوحيدة كأنه صخرة سقطت على صدري




أتنفس بصعوبة ولأكن ساعدت في غسلها مع الغسالة




وصدمت عندما رايت ورم كبير في مؤخره رأسها




عند اسفل الرقبة ورضوض علي جسدها هذا يثبت




شكي انهم السبب في موتها عنما طلبت إن تذهب الي




الحمام اخذتها الممرضه وتركتها تدخل لوحدها لانه




من عادت امي تخجل مرافقت احد معها حتى لو كانت




مريضه..الله يلعنهم دارو ولفو الموضوع....لكن ايش




يفيد الحساب بعد ماراحت




الغالية...... وإكرام الميت دفنه وحسبي الله عليهم الله




ينتقم منهم




بكيت




وقلت




كيف ابتعد و إنا والحزن أحباب




الدنيا بدونك والله عذاب




الله يلعنهم في كل كتاب




من إهمالهم ا تسببو بدفنك تحت التراب




كرهت الاهل والاقارب والاصحاب




وسكيت على نفسي كل الأبواب




حسبي الله عليهم أولاد الكلاب




هذي هي كل الاسباب




حسبي الله ونعم الوكيل إلا كان السبب في موتها.....




وساعدت في كفنها ...اتفـقـو أخواتي انه حرام نبكي




..لانه




الميت روحه تخاف......لاكني ما بكيت مو لانهم




امروني



كانت رحمة من عند ربي الله وضع شي على صدري




علشان إنا الوحيدة إلا لمن ابكي بصوت ولمن ازعل




أو اخاف اوا نصدم بصدمة افقد القدرة على نفسي




تلاقيني ما أشوف شى اكشف عن وجهي ويغمى علي




علشان كده ربنا يبغى يستر علي وعلى أهلي من




الفضايح




ما بكيت ولأكن لمن اخدوهامن البيت في سيارت




الدفن حسيت كئنهم اخذو قلبي معاهم....



.



من الشباك اصرخ وابكي وأقول لا تروحي وتتركيني




يا امي




و أخواتي وخلاتي ماسكيني عشان لا ارمي بنفسي




على نعش امي اقلهم اتركوني الله يا خذكم




دفنوها على صلاة العصر وكل ماجا بو أكل واكلو




أخواتي اقلهم كيف يجيكم نفس تاكلو وأمي ميتة




....ليش تبغوتيعيشو... اصرخ عليهم كل وقت واقلهم




نفس الكلام وساعات اقلهم عساكم تاكلو سم وإنشاء الله




تموتو وانا على هذا الحال قالو..... ايشبك مجنونة




خلاص امي مكتوب لها تموت لوكأن الجوع يرجعها




لا امتنعنا عن الأكل ....اما إنا عكسهم انسدت نفسي




حتى من الدنيا...




وقلت.......




شفت رؤيا في منامي




امي تناديني من ظلامي




صحيت من احلامـي




ادور واناديكي ياامي




شفتك على السرير امامي




تفرفري مثل الحمامي




طار عقلي وشلت ا قدامي




يوم اخدوكي من قدامي




حاملينك اربعة من ارحامي




قطعت شرايين وسال دمي




واحس اني بلا عالم ولو كل البشر يمي




ضعت وضاعت عزتي ومقامي




انطفى نوري ياحسرتي ياندامي





وعشرين يوم امتنعت عن الأكل أصبحت شبح على




الفراش ما اقدر أتحرك ولا اقدر أوقف أستند عليهم




لمن ابغى اقضي حاجتي أكرمكم الله وانا في فراشي




بس أحرك عيوني أحس بدوار .....كرهت الدنيا ابغي




الموت لو الحبوب اقدر ابلعها بدون ماء لامتنعت عن




الماء .




اخويه الكبير أقنعني وقلي إذا الإنسان يموت الموت




حق اول وأخره نموت ولأكن أنتي اليوم تتعكزي




وتروحي الحمام وبعدين...... وقدام ايش يصير فيكي




تبغي يشيلوا الوساخه من تحتك وتعفني متلاقي احد




ينظفك اولأسمح الله تروحي في غيبوبة يعني لانتي




ميتة ولا حيه ....لاتكفري ارضي بقدر الله امك




ارتاحت من دنيا الوسخ




وإنشاء الله من أهل الجنة.....




.اقنعني جزاه الله خير واخذني للدكتور وعملت




تحاليل...




كنت أخذ امي علشان تعمل تحاليل سكر كنت انا




كمان من باب الفضول اعمل تحليل سكر ....يطلع




سكري طبيعي 80 ولأكن بعد وفات امي ومن زعلي




عليها طلع تحليل




السكر عندي 495 وهذا بدون أكل ولا شرب كان




سبب الدوخة والراجفان عندي من ارتفاع السكر




ومن بعدها اهتميت قدر الإمكان بصحتي .




بس السكر أصبح يلعب معايه مرة فوق ومرة تحت




الدكتورة تقول ما اقدر أعطيكي علاج لانه السكر إلا




عندك من الزعل ابتعدي عن الوعل





قلت......




كيف ابتعد والفرح نساني




سارالزعل اسمي وعنواني




من حزني زاد السكر في دمي




من بعدك وغيابك زاد همي




اااه يايمى يايمى سامحيني




الخد يشكي دمع عيني




والقلب يمزق شراييني




بفراقك يانظر عيني




ياعمري ياسنيني




اذا مرضت مين يداويني




وان بردت مين يغطيني ويدفيني




ولو جوعت مين ياكلني ويشربني




وإن غبت مين يسال عني




ابكي في ليلي ونهاري




وادعيلك في كل صلاتي
الرجوع الى أعلى الصفحة اذهب الى الأسفل
HamZza
↕ رئيـس قسم ↕

منتديات ترفيهية


عدد مشآرڪآتي : 1618
 نْـقٌٍـآطُْـيَـے• نْـقٌٍـآطُْـيَـے• : 2107
آلتــــقيييم : 3
تاريخ التسجيل تاريخ التسجيل : 14/06/2010
عًٍـمـًرٌٍيَے• : 24
مــزاجے : 6
بَــــلـــَـدِے• : الجزائر
ذكر
الاوسمة الحضور المميز
My SMS & MMS: :

مُساهمةموضوع: رد: قصه واقعية مصيبة ميرا   الأربعاء يوليو 07, 2010 7:26 pm

الرجوع الى أعلى الصفحة اذهب الى الأسفل
 
قصه واقعية مصيبة ميرا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بصيص أمل :: ..(*).. منتديات ترفيهية ..(*).. :: || » الُصَوُر والخُلفُِيٌاتَ-
انتقل الى: