يسرقني الليل

موضوع: يسرقني الليل الأحد يونيو 13, 2010 1:50 pm

. . يسرقني الليل . .

#poem_4c14b1875276e td {
font-family: Arial, Helvetica, sans-serif;
font-size: large;
font-weight: normal;
}

ياما سهرتك وانا ولهان ياجوي
	أسامرك شوق ياحب تمنيته
أطاول الليل جالس موقدٍ ضوي
	من دلة الشوق فنجاله تقهويته
أشرب خياله وأنا مانيب متروي
	فجال شوق وغلا مايوم هزيته
حرارت الشوق تجمع نوه ونوي
	واسرح بفكري الين آجيه في بيته
وآقف على الباب حاير ويش باسوي
	إما اطرق الباب واللا ارد ما جيته
يسرقني الليل وقته واحسبه توي
	في حارة الزين كل الليل قضيته
واليا تحريت صبحي نوره يضوي
	أرجع وقلبي بجنب الباب خليته
واعود لمجلسي والقلب متكوي
	لاشفت زوله ولا بالصوت حاكيته
ذي حالتي صابرن وآقول ياقوي
	صابر على البعد والهجران قاسيته
الله يعدلك لي ياحظ متلوي
	واجلس مع اللي من الاعماق حبيته